مدرسہ نور الہدیٰ میں جلد شروع ہوگا صحافت کا ڈپلومہ کورس.
ہندی و اردو صحافت کے ساتھ ڈیجیٹل فوٹوگرافی کی بھی تربیت دی جائے گی.
شاہجہاں پور۔ ضلع کے بجلی پورہ واقع مدرسہ نور الہدیٰ کی جانب سے طلبہ اور صحافت میں دلچسپی رکھنے والے نوجوانوں کے لیے صحافت اور ڈیجیٹل فوٹوگرافی سے متعلق کورس شروع کرنے کی تیاری کی جا رہی ہے۔ ادارے کی جانب سے جاری تشہیری مواد کے مطابق یہاں صحافت کا ڈپلومہ کورس جلد شروع ہونے جا رہا ہے۔
مجوزہ نصاب میں ہندی صحافت کے تحت خبر نویسی، رپورٹنگ، ادارت اور میڈیا کی سمجھ سے متعلق تربیت دی جائے گی۔ وہیں اردو صحافت میں رپورٹنگ، خبر نویسی، ایڈیٹنگ اور میڈیا کی باریکیوں سے روشناس کرایا جائے گا۔
اس کے ساتھ ہی طلبہ کے لیے ڈیجیٹل فوٹوگرافی کورس بھی مجوزہ ہے۔ اس میں کیمرے کے بنیادی استعمال، لائٹنگ، کمپوزیشن اور فوٹو ایڈیٹنگ جیسے موضوعات کی تربیت دی جائے گی۔
مدرسہ نور الہدیٰ کی جانب سے جاری معلومات کے مطابق تربیت کے دوران تجربہ کار ٹرینرز، عملی تربیت، جدید سہولیات، کیریئر گائیڈنس اور سرٹیفکیٹ کورس جیسی سہولیات فراہم کرنے کی کوشش کی جائے گی۔ ادارے نے کورس میں داخلہ لینے کے خواہش مند افراد سے جلد رابطہ کرنے کی اپیل کی ہے۔
پوسٹر میں محدود نشستوں کا ذکر کرتے ہوئے نوجوانوں کو صحافت اور فوٹوگرافی کے شعبے میں اپنی صلاحیتیں نکھارنے کا موقع فراہم کرنے کی بات کہی گئی ہے۔ خواہش مند امیدوار داخلے سے متعلق معلومات کے لیے مدرسہ نور الہدیٰ، بجلی پورہ، شاہجہاں پور سے رابطہ کر سکتے ہیں۔ رابطہ نمبر 9935234959 جاری کیا گیا ہے۔
About The Author
